नेपालब्रिटेन संवाददाता
चितवन । नवलपरासी (बर्दघाट–सुस्तापूर्व) र चितवन जोड्ने नारायणी नदीमाथिको पुलबाट हाम फालेर दुई जना बेपत्ता भएका छन् । मंगलबार बिहान एक जना र अर्का एक जना साँझतिर पुलबाट हाम फालेर बेपत्ता भएका प्रहरीले जनाएको छ ।
इलाका प्रहरी कार्यालय गैंडाकोटकी प्रमुख प्रहरी निरीक्षक कमला नरालका अनुसार मंगलबार साँझ ७:४५ बजेतिर करिब ४२ वर्षीया महिला पुलबाट हाम फालेर बेपत्ता भएकी हुन् । साँझ पुलबाट हाम फालेका कारण खोजी कार्यमा कठिनाइ भएको प्रहरी निरीक्षक नरालले बताइन् ।
महिलाको परिचय खुलेको छैन । यसअघि मंगलबार बिहान सोही स्थानबाट गैंडाकोट–५ का १५ वर्षीय आदेश श्रेष्ठ नदीमा हामफालेर बेपत्ता भएका थिए । उनीहरु दुवैको खोजी जारी रहेको प्रहरीले जनाएको छ ।
