काठमाडौँ। प्रतिनिधि सभाको पहिलो बैठकमा श्रम संस्कृति पार्टीका अध्यक्ष तथा सांसद हर्क साम्पाङले अमेरिकी सहायता परियोजना मिलेनियम च्यालेन्ज कर्पोरेसन (एमसीसी) खारेज गर्न माग गरेका छन्।

साम्पाङले बैठकमा सरकारलाई जनताको चाहना र माग अनुसार निर्णय गर्न आग्रह गर्दै आफ्नो मन्तव्य राखेका हुन्।

उनले भने, “म जनताको मागहरू, जनताले चाहेका कुराहरू के कस्ता छन् भन्ने कुरा बुँदागत रूपमा वाचन गर्न चाहन्छु। पृथ्वी रहीरहुन्जेलसम्म यो देश रहनुपर्छ। हाम्रो देशको अंकित झण्डा रहिरहनुपर्छ।”

सांसद साम्पाङले एमसीसी परियोजना असमान, राष्ट्रघाती व्यापारिक सन्धी भएको उल्लेख गर्दै देशको स्वाधीनता र असंलग्न परराष्ट्र नीतिको रक्षा गर्न खारेज आवश्यक रहेको तर्क प्रस्तुत गरेका छन्।