काठमाडौँ। प्रधानमन्त्री वालेन्द्र शाह (बालेन)की पत्नी सबिना काफ्ले अस्पतालबाट डिस्चार्ज भएकी छन्। त्रिवि शिक्षण अस्पतालमा एपेन्डिसाइटिसको शल्यक्रिया सम्पन्न भएपछि उनी अस्पतालबाट डिस्चार्ज भएकी हुन् । हाल उनको स्वास्थ्य अवस्था सामान्य रहेको छ।

अस्पतालबाट डिस्चार्ज भएपछि वा स्वास्थ्य लाभका क्रममा उनले सामाजिक सञ्जालमार्फत आफ्नो स्वास्थ्य अवस्थाबारे जानकारी गराउँदै सबैलाई धन्यवाद ज्ञापन गरेकी छिन्।

उनले भनेकी छन्, ‘एपेन्डिसाइटिसको शल्यक्रियापछि अहिले मेरो स्वास्थ्य अवस्था सामान्य छ। मलाई सम्झेर, स्वास्थ्यलाभको कामना गर्दै माया र शुभेच्छा पठाउनुहुने तपाईंहरू सबैलाई मनैदेखि धेरै धेरै धन्यवाद। तपाईंहरूको माया र सद्भावका लागि आभारी छु।’

समयमै प्रभावकारी उपचार र शीघ्र सेवा प्रदान गरेकोमा उनले शिक्षण अस्पतालका सम्पूर्ण चिकित्सक तथा स्वास्थ्यकर्मीहरूप्रति पनि विशेष कृतज्ञता प्रकट गरेकी छिन्।