नेपालब्रिटेन संवाददाता
काठमाडौं । आज शुक्रबार तनहुँको आबुखैरेनी गाउँपालिका–२ स्थित मर्स्याङ्दी नदीमा बस दुर्घटनामा पर्नेहरू सबैजना भारतीय नागरिक रहेको खुलेको छ ।
चालका दलका दुई जना र ४१ यात्रु भारतीय नागरिक भएको गण्डकी प्रदेश प्रहरी कार्यालयका एसएसपी रवीन्द्र रेग्मीले जानकारी दिएका छन ।
भारतीय नम्बर प्लेट–७६२३ नम्बरको बसमा उनीहरू भारतबाट पोखरा हुँदै काठमाण्डु आउँदै थिए । दुर्घटनामा १८ जनाको मृत्यु भएको छ । मृतकहरुको सनाखत हुन बाँकी रहेको पनि प्रहरीले जनाएको छ ।
