नेपालब्रिटेन संवाददाता
लन्डन । राष्ट्रिय स्वतन्त्र पार्टी (रास्वपा) ले आगामी फागुनमा हुने आम निर्वाचनका लागि बेलायतबाट समानुपातिक उम्मेदवारका रूपमा सिफारिस गर्न आह्वान गरेको छ ।
रास्वपा प्रवास विभाग यूकेका महासचिव कृष्ण लुईटेलका अनुसार विदेशमा हासिल गरेको ज्ञान, सीप र अनुभवलाई स्वदेशमै उपयोग गर्दै संघीय संसदमा प्रतिनिधित्व गर्न इच्छुक व्यक्तिहरूले आफ्नो नाम दर्ता गराउन सक्नेछन् ।
आसन्न निर्वाचनमा समानुपातिकतर्फ प्रवास विभागमार्फत १० प्रतिशत उम्मेदवार चयन गर्ने निर्णय पार्टीले गरिसकेको जनाइएको छ ।
प्रवास विभागले प्राप्त सिफारिसहरूलाई नेपालमा प्रतिनिधि सभा सदस्यका रूपमा अगाडि बढाउने प्रबन्ध गर्ने जनाएको छ ।
