अमेरिकाको ह्वाइट हाउस नजिकै भएको गोलीकाण्डमा कम्तीमा दुई जना व्यक्ति घाइते भएका छन्, जसमा एक जना सम्भावित संदिग्ध पनि रहेको जनाइएको छ। स्काइ न्युजका अमेरिकी साझेदार नेटवर्क एनबीसी न्युजका अनुसार घटनामा घाइतेमध्ये एक जनाको अवस्था गम्भीर रहेको छ।

कानून प्रवर्तनसँग सम्बन्धित चार जना अधिकारीहरूले एनबीसी न्युजलाई दिएको जानकारीअनुसार दोस्रो घाइते व्यक्ति पनि संदिग्ध हो वा सर्वसाधारण, भन्ने कुरा अझै स्पष्ट हुन सकेको छैन।

यसअघि ह्वाइट हाउस आसपास क्षेत्रमा लगातार गोली चलेको आवाज सुनिएको थियो। एनबीसी न्युजका संवाददाताहरूले स्थानीय समयअनुसार साँझ ६:०४ बजे (बेलायत समय राति ११:०४ बजे) ह्वाइट हाउसको उत्तर लनमा रहँदा करिब २० देखि ३० राउण्डसम्म गोली चलेको बताएका छन्।

घटनापछि गोप्य सुरक्षा सेवा (Secret Service) का एजेन्टहरूले पत्रकारहरूलाई तुरुन्तै ह्वाइट हाउसको प्रेस ब्रीफिङ कक्षमा लगेर सुरक्षित राखेका थिए। त्यसपछि करिब ४० मिनेटसम्म ह्वाइट हाउस क्षेत्रमा लकडाउन गरिएको थियो, जुन पछि हटाइएको छ।

घटना हुँदा तत्कालीन राष्ट्रपति डोनाल्ड ट्रम्प ह्वाइट हाउस भित्रै रहेको बताइएको छ।