नेपालब्रिटेन डट कम्
लण्डन निवासी २५ बर्षिय नेपाली मुलका चर्चित ब्लगर लेक्स लिम्बुले आफू समलिंगी भएको खुलासा गरेका छन् । आफ्नो जीवन, परिवार र पहिचानका बारेमा मार्मिक भिडियो सार्वजनिक गर्दै उनले आफू समलिंगी भएको खुलासा गरेका हुन् ।
बुबाआमालाई आफू समलिंगी भएको बताउँदा भएको कठिनायी र आगामी दिनमा गर्नुपर्ने संघर्षबारे उनले भिडियोमा आफ्ना मनका कुराहरु बोलेका छन् । जीवनको २५ बर्षसम्म आफू समलिंगी भएको कुरा मनभित्र गुम्साएर राख्दाको पीडा, बुबाआमालाई बताइसकेपछि उत्पन्न अवस्था लगायतका विषयमा पनि उनले भिडियोमा बताएका छन् ।
उनी भन्छन् – ‘समलिंगी हुनु मेरो आफ्नो छनौट थिएन । शायद कसैको पनि छनौट हुँदैन होला । यदि छनौट हुन्थ्यो भने बुबाआमालाई र आफ्रलाई गाह्रो हुने कुरा मैले किन निम्त्याउथें र ? तर मसँग अरु बाटो पनि छैन ।’
