काठमाडौं । नेपाली काँग्रेसले पार्टीका केन्द्रीय सदस्य तथा काँग्रेस प्रदेशसभा संसदीय दल एवं विपक्षी दलका नेता जीवनबहादुर शाहीको शीघ्र स्वास्थ्यलाभको कामना गरेको छ । कोभिड–१९ सङ्क्रमणका कारण उहाँको होम आइसोलेसनमा उपचार भइरहेको काँग्रेस केन्द्रीय कार्यालयका मुख्यसचिव कृष्णप्रसाद पौडेलले विज्ञप्तिमार्फत जनाउनुभएको छ ।

यसैगरी काँग्रेसले मोरङको केराबारी गाउँपालिकामा पार्टीको तर्फबाट निर्वाचित अध्यक्ष रोहितबहादुर कार्कीलाई स्थानीय किशोरसिंह ठकुरीले खुकुरी प्रहार गरी गम्भीर घाइते बनाएको घटनाको भत्र्सना गर्दै खेद प्रकट गरेको छ । गम्भीररुपमा घाइते हुनुभएको कार्कीको गर्धन र हातमा चोट लागेको र हाल नोबेल अस्पताल विराटनगरमा उपचार भइरहेको काँग्रेसले जनाएको छ । काँग्रेसले एक विज्ञप्तिमार्फत खुकुरी प्रहार गर्ने ठकुरीलाई गिरफ्तार गरी कडा कानूनी कारवाही गर्न माग गर्दै घाइते हुनुभएका कार्कीको शीघ्र स्वास्थ्यलाभको कामना गरेको छ ।