नेपालब्रिटेन संवाददाता
काठमाडौं । कोरोना भाइरसको संक्रमणबाट नेपालमा थप छ जनाको मृत्यु भएको छ । मोरङ र झापामा दुई–दुई सुनसरी र बाँकेमा एक एक जनाको मृत्यु भएको हो ।
चार जनाको मोरङका अस्पतालमा उपचारका क्रममा र एक जनाको होम आइसोलेसनमा मृत्यु भएको हो । झापाको गौरादह– दुई की ४९ वर्षीया महिला, सुनसरीको इटहरी–३ की ४० वर्षीया महिला, मोरङको रंगेली नगरपालिका–८ का ५५ वर्षीय पुरुषको उपचारका क्रममा विराट शिक्षण अस्पतालमा मृत्यु भएको हो ।
त्यस्तै झापाको दमक छ की ४६ वर्षीया महिलाको पनि उपचारको क्रममा ज्यान गएको छ । यस्तै, मोरङको उर्लाबारी ८ की ४५ वर्षीया महिलाको होम आइसोलेसनमा मृत्यु भएको छ ।
बाँकेको कोहलपुर मेडिकल कलेजमा कोहलपुर नगरपालिका वडा नं १, कौशिलानगरकी ३२ वर्षीया महिलाको पनि उपचारको क्रममा मृत्यु भएको छ ।
