नेपालब्रिटेन संवाददाता
काठमाडौं । काठमाडौंको अनामनगरस्थित एक स्टुडियोमा युवतीले आत्मदाह प्रयास गरेकी छिन् । शनिबार दिउँसो स्टुडियोमै युवतीले आफूलाई जलाउनका लागि पेट्रोल खन्याएकी जिल्ला प्रहरी परिसर काठमाडौंले जनाएको छ ।
अन्दाजी ३० वर्षीया नितु पौडेलले आत्मदाह प्रयास गरेको जिल्ला प्रहरी परिसर काठमाडौंका एसपी पवन भट्टराईले जानकारी दिएका छन् ।
एसपी भट्टराईका अनुसार, पौडेलसहित अर्का एक युवक पनि घटनामा घाइते भएका छन् । धनबहादुर गिरी नाम गरेका युवकसहित पौडेलको कीर्तिपुरस्थित बर्न अस्पतालमा उपचार भइरहेको छ ।
‘महिलाले आफैंलाई जलाउने प्रयास गरेको भन्ने खबर पाएपछि हाम्रो टोली पुगेको थियो, अहिले अस्पताल लगिएको छ,’ एसपी भट्टराईले भने ।
