नेपालब्रिटेन संवाददाता
काठमाडौँ। सार्वजनिक स्थलमा वृद्धमाथि हातपात गर्ने व्यक्ति पक्राउ परेका छन् । सडकमा हिँडिरहेका वृद्धलाई कुटपिट गर्ने कार चालकलाई ट्राफिक प्रहरीले पक्राउ गरेको हो ।
पक्राउ पर्नेमा कार चालक पारस बम रहेका छन् । बमले महाराजगन्जस्थित सडकमा हिँडिरहेका वृद्धलाई कारबाट ओर्लेर झापड हानेका थिए। वृद्धमाथि दुर्व्यवहार गरेको भिडिओ भाइरल भएपछि प्रहरीले छानबिन अघि बढाएको थियो ।
सोही क्रममा बालुवाटारबाट कार चालक बमलाई नियन्त्रणमा लिएको जिल्ल प्रहरी परिसर काठमाडौँका प्रवक्ता एसपी पवनराज भट्टराईले बताए ।
