नेपालब्रिटेन संवाददाता
काठमाडौं । प्रधानमन्त्री केपी शर्मा ओलीले जनादेश आफ्नो पक्षमा भएको बताएका छन् । ओलीले जनादेश आफ्नो पक्षमा हुँदाहुँदै अदालतको परमादेश भने शेरबहादुर देउवाको पक्षमा आएको बताए । देशबासीका नाममा सम्बोधन गर्दै ओलीले सरकार छाड्नुपर्दा कुनै पनि चिन्ता नरहेको भन्दै आफूले जनतामाथि विश्वास गर्ने बताए ।
विगतमा पनि जनताकै पक्षमा रहेको र भोलिका दिनमा पनि जनताकै पक्षमा आफू रहने भन्दै उनले सदैव जनताको हितका लागि काम गरिरहने बताए । कोरोनाको महामारीबाट जोगाउनका लागि जनतालाई कोरोनाविरुद्धको खोपको प्रवन्ध गरिएको बताउँदै सबै जनताको जिउधनका लागि सरकार गम्भीर रुपमा लागिपरेको उनको भनाइ छ ।
