नेपालब्रिटेन डट कम्
लण्डन । गैरआवासीय नेपाली संघ (एनआरएनए) ले क्षेत्रीय सम्मेलन गर्न संघका क्षेत्रीय संयोजकहरुलाई निर्देशन दिएको छ ।
गैरआवासीय नेपाली संघका अध्यक्ष डा. बद्री केसीको अध्यक्षतामा शनिवार सम्पन्न बैठकले सो निर्देशन दिएको संघका प्रवक्ता फणिन्द्र पन्तले जनाए ।
बैठकले क्षेत्रीय समितिहरु स्वायत्त रहेको स्मरण गराउँदै क्षेत्रीय बैठक आ–आफ्नो अनुकूल समयमा सम्पन्न गर्न क्षेत्रीय संयोजकहरूलाई निर्देशन दिइएको हो ।
संघले प्रत्येक वर्षमा अफ्रिका, अमेरिका, अष्ट्रेलिया, यूरोप एशिया क्षेत्रमा क्षेत्रीय सम्मेलन गर्दै आएको छ ।
संघका अध्यक्ष डा. केसीले शनिवारको बैठकमा कम्तिमा वर्षको एउटा सम्मेलन गर्नु पर्ने वैधानिक व्यवस्था रहेको जानकारी दिए ।
