लन्डन। गैरआवासीय नेपाली संघ (एनआरएनए) इजरायलको आयोजनामा युरोपस्तरीय वक्तृत्वकला प्रतियोगिता हुने भएको छ।

एनआरएनए इजरायलका सचिव चित्र बहादुर कार्कीका अनुसार संघले आगामी २० अक्टोबरमा सो प्रतियोगिता आयोजना गर्न लागेको हो।

भर्चुअल माध्यमबाट हुने यस कार्यक्रममा सहभागी हुन चाहनेहरूले १३ अक्टोबरसम्म आवेदन दिन सक्ने छन्। खुला प्रतिस्पर्धाका लागि २० युरो दर्ता शुल्क तोकिएको छ। यस प्रतियोगितामा युरोप क्षेत्रका राष्ट्रिय समितिहरूको सिफारिसको आधारमा पहिला दर्ता गर्नेलाई प्राथमिकता दिने आयोजकले जनाएको छ।

प्रतियोगितामा प्रथम हुनेलाई २ लाख रुपैयाँ, दोस्रो हुनेलाई १ लाख ५० हजार रुपैयाँ र तेस्रो हुनेलाई १ लाख रुपैयाँ नगद पुरस्कार तथा प्रमाणपत्र प्रदान गरिनेछ।