लन्डन । सर केयर स्टारमरले सोमबार प्रधानमन्त्रीको जिम्मेवारी सम्हाल्नु अघि आफ्नो मन्त्रिपरिषद्मा को-को रहने भन्नेबारे अझै निर्णय गरेका छैनन ।

आफ्नो मुख्य टोलीको घोषणा किन नगरेको भन्ने प्रश्नमा लेबर पार्टीका नयाँ नेता बर्नहमले भने, ‘पदभार सम्हाल्नुअघि नै मन्त्रिपरिषद् हेरफेरको प्रक्रिया सुरु गर्नु अलि हतारो हुनेछ र यसले पूर्ण अस्तव्यस्तता निम्त्याउनेछ भन्ने मलाई लाग्छ।’

बर्नहमले मन्त्रिपरिषद्का लागि कसलाई छनोट गर्लान् भन्नेबारे व्यापक अड्कलबाजी भइरहे पनि स्टारमरले त्यसकाे कुनै याेजना नबनाएकाे बताए । विशेषगरी रेचल रिभ्सको स्थानमा चान्सलर बन्नका लागि एड मिलिब्यान्ड र सबाना महमुदको नाम चर्चामा छ।

पार्टी नेता बने पछि यसअघि दिएको एक मन्तव्यमा ग्रेटर म्यानचेस्टरका पूर्व मेयरले सामाजिक हेरचाह प्रणालीमा सुधारलगायत सरकार सञ्चालनबारे आफ्नो दृष्टिकोण प्रस्तुत गरेका थिए।

‘रिफर्म युके’का नेता नाइजेल फाराजले भने कि बर्नहमले ‘कुनै पनि प्रकारको जनादेश बिना नै आएका छन् र उनले देशले आफ्नो भविष्यबारे निर्णय लिन सकोस् भनेर तत्काल आम निर्वाचनको माग गरे’का छन । 

तर लिब डेमका नेता सर एड डेभीले बर्नहमको थप सहयोगात्मक राजनीतिसम्बन्धी आह्वानलाई स्वागत गर्दै मेरोतर्फवाट ढोका खुला छ भनेर प्रतिक्रिया दिएका छन । उनले भने कि लिब डेम ले विशेष गरी जल क्षेत्रमा परिवर्तन, एनएचएसलाई सहयोग र सामाजिक हेरचाहमा परिवर्तन, जसमा पारिवारिक हेरचाहकर्ताहरूका लागि थप सहयोग समावेश छ, हेर्न चाहन्छ।

एक महिना अघिको उप निर्वाचनमार्फत संसदमा फर्किएका बर्नहमले यस हप्ताको सुरुमा ३७९ लेबर सांसदहरू र पार्टीसँग सम्बद्ध सबै ११ ट्रेड युनियनहरूको समर्थन पाए पछि नेतृत्वको लागि एकमात्र उम्मेदवारको रूपमा आफ्नो स्थान सुनिश्चित गरेका हुन । 

राजा चार्ल्स तृतीयसँगको भेट पछि उनी सोमबार सर केयरको स्थानमा प्रधानमन्त्रीको जिम्मेवारी सम्हाल्नेछन्। आफ्नो मन्त्रिपरिषद्मा को को रहनेछन् भन्नेबारे पत्रकारहरूले सोध्दा बर्नहमले भने, ‘म ती निर्णयहरूलाई अन्तिम रूप दिँदैछु र धेरै चाँडै निष्कर्षमा पुग्नेछु, अनि सोमबार तिनको घोषणा गर्नेछु।’

मध्य लन्डनस्थित टीयूसी मुख्यालयमा लेबर नेताको रूपमा आफ्नो पहिलो सम्बोधनमा उनले भने कि मन्त्रिपरिषद्का लागि गरिने नियुक्तिहरूले पार्टीका सबै पक्ष र सबै समुदायको प्रतिनिधित्व हुनेछ ।

उनले भने कि आफ्नो सरकारले ती श्रमिक वर्गका समुदायहरूमा आशा फर्काउनेछ, जसलाई राजनीतिक वर्गले बेवास्ता गरेको थियो वा जसको पक्षमा राजनीतिक वर्गले ध्यान दिएको थिएन । साथै उनले वेस्टमिन्स्टरबाट क्षेत्रीय तहमा अधिकार हस्तान्तरण गर्ने आफ्नो योजना दोहोर्‍याए।

सर केयरको स्थान लिने आफ्नो प्रयासको घोषणा गरेदेखि नै अधिकार हस्तान्तरण बर्नहमको मुख्य सन्देशहरूमध्ये एक रहँदै आएको छ।

उनले भने कि आफ्नो सरकारले दशकौँ यताकै सबैभन्दा ठूलो परिवर्तन ल्याउनेछ । विगत ४० वर्षका, जसमा उनी आफैँ सरकारमा हुँदाका नीतिहरू पनि समावेश छन्,  नव(उदारवादी नीतिहरूलाई अस्वीकार गर्नेछ र देशमा पुनः औद्योगिकीकरण गर्ने प्रतिबद्धता जनाएका छन ।