लस एन्जलस– एनआरएनए भित्र जकडिएर रहेको प्रणालीगत समस्यालाई सदाको लागि समाधान गर्ने पवित्र उद्देश्यका साथ गोपेन्द्र भट्टराईले एनआरएनएको महासचिव पद्मा उम्मेद्वारी दिनु भएको छ । लामो समयदेखि गाजिएर रहेको प्रक्रियागत समस्यालाई चिर्दै नविन सोच र प्रविधिका माध्यमबाट सुदृढ नयाँ संरचना निर्माण गर्न उक्त पद्मा उम्मेदवारी दिएको भट्टराई बताउनु भयो ।
कर्मभूमी जहाँ र जुन देशलाई बनाए पनि मातृभूमी सदा सबैको लागि प्यारो हुन्छ,’ उनले भने ‘यसलाई समृद्ध बनाउने मेरो मुख्य उद्देश्य हो ।’ विदेशी नविन प्रविधिहरू जतिजति बढ्दै जान्छ, उत्तिनै देश सम्पन्न र आर्थिक रुपले बलियो बन्दै जाने उहाँको विश्वास छ । ‘मातृभूमीमा यस्ता प्रविधि र सीप भित्र्याउन म सधै प्रयासरत हुनेछु,’ उहाँले भन्नु भयो ‘देशमा भन्दा विदेशमा बस्दा आदर, सम्मान र ममता अझ बढ्ने रहेछ ।’
जन्मभूमीलाई शान्त र समृद्ध बनाउन हरेकपल अनव्रत रुपमा लागिरहने उहाँले बताउनु भयो । एनआरएनए अमेरिकामा रहेका नेपालीको वृद्धि÷विकासका साथै उचित अवसरहरूको सिर्जना गर्दै विकासका ढोकाहरू मार्फत देशलाई आत्मनिर्भर बनाउने भट्टराईको प्रतिवद्धता छ ।
एनआरएनएलाई नेपालीको दुःख सुख साट्ने साझा चौतारीको रुपमा स्थापित गराउने उहाँको इच्छा अबका दिनमा पनि जारी रह्ने छ । पछिल्लो समय विश्वका कुना कुनामा छरिएर रहेका सबै वर्ग, धर्म, जातजाती, लिङ्गलाई समेट्दै एउटै संजाल बनाउने प्रक्रिया व्यापक हुँदै गएको छ । यसमा भट्टराईले थप काम गर्ने योजना बनाउनु भएको छ ।
‘अमेरिकी नेपालीको साथ र सहयोगबाट म एनआरएनएको महासचिव पद्मा निर्वाचित भएमा नेपाल र प्रवासी नेपालीबीच प्रत्यक्ष सहयोग र समन्वय गर्ने वातावरण सिर्जना गर्दै एकीकृत परियोजनाहरूको प्रारुप तयार गरी कार्यान्वयन लैजाने कोशिस गर्ने छु,’ उहाँले भन्नु भयो ।
‘संसार भरि छरिएर रहेका नेपालीहरूलाई एकत्रित गर्दै नेपालको कला, संस्कृति, पर्यटनको विकासमा टेवा पु¥याउने उहाँले चुनावी एजेण्डा छ । ‘नेपालीका लागि नेपाली नै’ भन्ने मूल मन्त्र बोकेर म अघि बढेको हुँ, एनआरएनए अमेरिकाका वर्तमान कार्यसमितिका सदस्य रहेका भट्टराईले भन्नु भयो ‘नेपाली डायस्पोरालाई एउटै सुत्रमा सुसंठित गर्दै अमेरिकी मूल प्रवाहमा समावेश गर्ने मेरो मुख्य उद्देश्य हो ।’