काठमाडौं । प्रतिनिधिसभा सदस्य उपनिर्वाचनमा कास्की क्षेत्र नम्बर–२ बाट निर्वाचित विद्या भट्टराईले मंगलबार पद तथा गोपनीयताको शपथ लिएकी छन् । उपसभामुख शिवमाया तुम्बाहाङफेले संसदको कृषि तथा प्राकृतिक स्रोत समितिको सभाहलमा आयोजित समारोहमा उनलाई शपथग्रहण गराइन् ।
सभामुख नभएको अवस्थामा उपसभामुख तुम्बाहाङफेले उनलाई सांसदको शपथ गराएकी हुन् । बलात्कार प्रयास गरेको आरोप लागेका तत्कालीन सभामुख कृष्णबहादुर महाराले पदबाट राजीनामा दिएका थिए । त्यसपछि सभामुख पद रिक्त छ ।