काठमाडौं । गुण्डा नाइकेका रुपमा चिनिएका चक्रे मिलन भनिने मिलन गुरुङलाई प्रहरीले बिहीबार राति महाराजको एक होटलबाट पक्राउ गरेको छ । महाराजगञ्जको बाँसबारी रोडमा रहेको होटल साम्बालामा पुगेर जिल्ला प्रहरी परिसर, काठमाडौं र उपत्यका अपराध अनुसन्धान कार्यालयको टोलीले राति उनलाई पक्राउ गरेको हो ।

बिहीबार राति आफ्नै जन्मदिन मनाउन उनी होटल साम्बाला पुगेका थिए, त्यहि क्रममा प्रहरीले उनलाई नियन्त्रणमा लिएको हो । जिल्ला प्रहरी परिसर काठमाडौं र उपत्यका अपराध अनुसन्धान कार्यालयको संयुक्त टोलीले विशेष सूचनाका आधारमा छापा मार्दै चक्रे मिलन र उनका सहयोगीहरूलाई पक्राउ गरेको हो।

प्रहरी स्रोतका अनुसार, सोही अभियानमा ठमेल र महाराजगन्ज क्षेत्रबाट आपराधिक गतिविधिमा संलग्न ४७ जना व्यक्तिहरूलाई समेत पक्राउ गरिएको छ।यसअघि पनि चक्रे मिलन २०७४ सालको वैशाख २६ गते महाराजगन्जबाटै पक्राउ परेका थिए।