नेपालब्रिटेन संवाददाता
काठमाडौँ । सरकारले काठमाडौँका सरकारी तथा सार्वजनिक संरचना सुरक्षार्थ नेपाली सेना परिचालन गरेको छ ।
जिल्ला सुरक्षा समिति काठमाडौँको निर्णयका आधारमा राष्ट्रपति, उपराष्ट्रपति, प्रधानमन्त्री, संसद् भवन, सिंहदरवारसहित महत्त्वपूर्ण संरचना तथा प्रतिष्ठानको सुरक्षामा सेनाको तैनाथी गरिएको हो ।
प्रशासन उच्च स्रोतका अनुसार स्थानीय प्रशासन ऐन २०२८ अन्तर्गत जिल्ला प्रशासन कार्यालय काठमाडौँले कर्फ्यु जारी गरेपछि, जिल्ला सुरक्षा समितिको निर्णयअनुसार सेनालाई तोकिएका विभिन्न स्थानमा परिचालन गरिएको हो ।
जेन-जेडको प्रदर्शन र प्रहरीबीच झडप बढेपछि काठमाडौँ प्रशासनले सोमबार राति १० बजेसम्म माइतीघर, बानेश्वर, तीनकुने, शंखमूल र राष्ट्रपति निवास परिसरसहितका अति संवेदनशील क्षेत्रमा कर्फ्यु जारी गरेको छ ।
