नेपालब्रिटेन संवाददाता
काठमाडौँ। नेपाली काँग्रेसका सभापति एवं सर्लाही क्षेत्र नम्बर ४ का उम्मेदवार गगनकुमार थापाले आफ्ना मतदातासँग निर्वाचित सांसद प्रत्यक्षरुपमा जोडिनुपर्ने बताएका छन् ।
मधेस प्रदेश अन्तर्गत सर्लाही ४ मा उम्मेदवारी दिएपछि भेटघाट तथा पार्टी प्रवेशसम्बन्धी कार्यक्रममा व्यस्त रहेका सभापति थापाले आज धनकौलमा आयोजित कार्यक्रममा सांसद कार्यालय स्थापना गरी आफ्ना मतदातासँग सिधै सम्पर्कमा रहेर विकास निर्माणलगायतका काममा सक्रिय हुने प्रतिबद्धता व्यक्त गरेका छन् ।
आफ्नो निर्वाचन क्षेत्रमा भएका भेटघाट तथा छलफलका क्रममा प्राप्त राय, सुझाव र अपेक्षा पूरा गर्ने प्रतिबद्धता व्यक्त गर्दै सर्लाहीवासीको अनुरोधपछि यहाँ आएकाले माया पाउने विश्वास व्यक्त गरेका छन् ।
सो अवसरमा बहुजन पार्टीबाट सर्लाही क्षेत्र नं ४ अन्तर्गत प्रदेश ‘ख’ को प्रदेश सभाका उम्मेदवार कृष्णकुमार कुशवाहसहित गोडैता नगरपालिका वडा नं १ का वडाध्यक्ष सुजित महतो, २ का वडाध्यक्ष अजयप्रसाद शाह, ५ का वडाध्यक्ष प्रकाश गुप्ता र वडा नं ११ का वडाध्यक्ष विश्वनाथ पण्डितसहितका विभिन्न पार्टी सम्बद्ध नेता तथा कार्यकर्ता नेपाली काँग्रेसमा प्रवेश गरेका थिए । उनको यही माघ १६ गते शुक्रबार काठमाडौँ फर्किने कार्यक्रम रहेको सचिवालयले जनाएको छ ।सर्लाही–४ मा प्रत्यक्ष जनसम्पर्कमार्फत विकास अघि बढाउने सभापति थापाको प्रतिबद्धता
काठमाडौँ । नेपाली काँग्रेसका सभापति तथा सर्लाही क्षेत्र नम्बर ४ का उम्मेदवार गगनकुमार थापाले निर्वाचित प्रतिनिधि र मतदाताबीच निरन्तर प्रत्यक्ष सम्पर्क रहनुपर्ने धारणा व्यक्त गरेका छन्।
उनका अनुसार जनतासँग नजिक रहेर विकास निर्माणका कार्यलाई प्रभावकारी रूपमा अघि बढाउन आवश्यक छ।
मधेस प्रदेशअन्तर्गत सर्लाही-४ बाट उम्मेदवारी दर्ता गरेपछि स्थानीय स्तरका भेटघाट तथा राजनीतिक गतिविधिमा सक्रिय रहेका थापाले धनकौलमा आयोजित कार्यक्रममा सांसद कार्यालय स्थापना गरी मतदातासँग सिधा समन्वयमा काम गर्ने प्रतिबद्धता जनाएका छन्। उनले विकास निर्माणका साथै स्थानीय आवश्यकता र प्राथमिकताका विषयमा निरन्तर संवाद कायम राख्ने उल्लेख गरेका छन्।
थापाले निर्वाचन क्षेत्रभित्र भएका छलफल र अन्तरक्रियाबाट प्राप्त सुझाव, अपेक्षा र मागलाई सम्बोधन गर्ने प्रतिबद्धता पनि व्यक्त गरेका छन्। सर्लाहीवासीको आग्रह र समर्थनका आधारमा यहाँ उम्मेदवारी दिएको उल्लेख गर्दै उनले जनताको विश्वास र साथ प्राप्त हुने अपेक्षा व्यक्त गरेका छन्।
उक्त कार्यक्रममा बहुजन पार्टीबाट सर्लाही–४ अन्तर्गत प्रदेशसभा ‘ख’ का उम्मेदवार कृष्णकुमार कुशवाहासहित गोडैता नगरपालिका वडा नम्बर १ का वडाध्यक्ष सुजित महतो, वडा नम्बर २ का वडाध्यक्ष अजयप्रसाद शाह, वडा नम्बर ५ का वडाध्यक्ष प्रकाश गुप्ता र वडा नम्बर ११ का वडाध्यक्ष विश्वनाथ पण्डितलगायत विभिन्न दलसँग आबद्ध नेता तथा कार्यकर्ता नेपाली काँग्रेसमा प्रवेश गरेका थिए।
सभापति थापाको सचिवालयका अनुसार उनी यही माघ १६ गते शुक्रबार काठमाडौँ फर्किने कार्यक्रम तय गरिएको छ।
