ब्रेकिङ न्युज

गगन थापाको दबाबमा आइओएमका डिनले दिए राजीनामा

त्रिविवि चिकित्सा शास्त्र अध्ययन संस्थानका डिन केपी सिंहले राजीनामा दिएसँगै गत १९ दिनदेखि अनशनरत डा गोविन्द केसीका मागहरू सम्बोधन हुने लक्षण देखिएको छ ।

उनको एउटा प्रमुख माग चिकित्सा शास्त्र अध्ययन संस्थानका डिनको राजीनामा पनि थियो । सिंहले त्रिविवि उपकुलपति तीर्थ खनियासमक्ष राजीनामा बुझाएका हुन् । स्वास्थ्यमन्त्री गगन थापाले डिन हटाउन सक्ने अधिकार आफ्नो मन्त्रालयमा नभएकाले प्रधानमंत्रीलाई भेटी तीव्र दबाब दिएका थिए ।

यसघिका डा केसीका अभिन्न मित्र केपी सिंहलाई त्रिविविले २० दिनअघिमात्र डिन नियुक्त गरेर केसीको आंदोलनलाई कमजोर बनाउने प्रयास गरेको थियो ।

केसीलाई भेट्न अनशन स्थल पुगेका थापाले आफूले क्षेत्राधिकार प्रयोग गरेर पूरा गर्न सक्ने माग सम्बोधन गरिसकेको र उपकुलपति तथा डिन आफ्नो मातहतमा नभएकाले हटाउन नसकेको बताएका थिए । उनले प्रधानमंत्रीलाई त्यसका लागि हदैसम्मको दबाब दिने बताएका थिए ।

About the author
नेपालब्रिटेन डट कम्

नेपालब्रिटेन डट कम्