१३ जेष्ठ २०८१, आईतवार
Follow Us

भक्तपुरमा टिपरको ठक्करबाट स्कुटर चालकको मृत्यु

नेपालब्रिटेन संवाददाता
३० मंसिर २०८०, शनिबार १३:४६

भक्तपुर । भक्तपुरमा टिपरको ठक्करबाट स्कुटर चालकको मृत्यु भएको छ । बा४ख २३४७ नम्बरको टिपरले बा९२प ५५३१ नम्बरको स्कुटरलाई ठक्कर गएराति पौने ११ बजेतिर मध्यपुर थिमी नगरपालिका–२ सानोठिमीस्थित जनक शिक्षा सामग्री केन्द्र अगाडि ठक्कर दिएको थियो ।

प्रहरीका अनुसार त्यस क्रममा स्कुटर चालक काभ्रेको रोशी गाउँपालिका–१० घर भई गठ्ठाघर बस्ने २३ वर्षीय विशाल मैनालीको मृत्यु भएको हो ।

टिपरको ठक्करबाट गम्भीर घाइते मैनालीको नागरिक अस्पताल गठ्ठाघरमा उपचारका क्रममा मृत्यु भएको भक्तपुर प्रहरी परिसरका सूचना अधिकारी प्रहरी निरीक्षक किशोर ढुंगानाले बताए । यसैबीच प्रहरीले टिपर चालक धादिङको थाक्रे गाँउपालिका–७ का ४२ वर्षीय सुरेश तामाङलाई प्रहरीले नियन्त्रणमा लिएको छ ।