नेपालब्रिटेन संवाददाता
काठमाडौं । संकटग्रस्त सहकारीको छानबिनका लागि समिति बनाउने सरकारको तयारीप्रति कांग्रेसले असन्तुष्टि व्यक्त गरेको छ ।
गृहमन्त्री रवि लामिछानेलाई जोगाउने उद्देश्यसहित सरकारले छानबिन समिति खोजेको कांग्रेसको आरोप छ । सहकारी ठगीमा गृहमन्त्री लामिछानेमाथि नै छानबिन गर्न संसदीय समिति बनाउनुपर्ने कांग्रेसको अडान छ ।
संकटग्रस्त सहकारीमाथि मात्र छानबिन गर्ने सरकारको तयारीलाई कांग्रेसले छलछामको रूपमा लिएको छ ।
कांग्रेसले वैशाख २७ गते दिउँसो संसदीय दलको बैठक बोलाएको छ ।
