काठमाडौं । नागरिक उन्मुक्ति पार्टी (नाउपा) की अध्यक्ष रञ्जिता श्रेष्ठले पार्टीको केन्द्रीय समिति बैठक बोलाएकी छन् । श्रेष्ठले आगामी १५ र १६ भदौमा बस्ने गरी केन्द्रीय समिति बैठक बोलाएकी हुन् ।

बैठकमा समसामयिक राजनीतिक विषयका साथै विधान संशोधन, केन्द्रीय सदस्य मनोनयन र निर्वाचन आयोगमा अध्यावधिक गर्ने विषयमा छलफल हुने जानकारी उनले दिइन् । नाउपा संरक्षकसमेत रहेका श्रेष्ठका पति रेशम चौधरीले गत महिना राष्ट्रिय भेलामार्फत श्रेष्ठलाई अध्यक्षबाट हटाएर बुबा लालवीर चौधरीलाई अध्यक्ष बनाएका थिए ।

चौधरी पक्षले नयाँ नेतृत्वसहित पार्टी अध्यावधिक गर्न निवेदन दिएकामा आयोगले भेलाको वैधानिकता नहरेको भन्दै श्रेष्ठलाई नै अध्यक्ष कायम गरिदिएको थियो ।