काठमाडौं । कोरोनाको महामारीले स्थगित रहेको गैरआवासीय नेपाली संघ (एनआरएनए) को लाप्राक नमुना बस्ती परियोजनाको काम सुचारु भएको छ । झन्डै साढे दुई महिनापछि सञ्चालनमा आएको उक्त निर्माण कार्यक्रममा स्थानीय युवालाई सहभागी गराइएको एनआरएनएले जनाएको छ ।
स्थानीय युवा तथा लाभाग्राहीहरु कोरोनाको असरले गाउँमै बस्ने भएकाले एनआरएनए उपाध्यक्ष तथा लाप्राक नमुना बस्ती परियोजनाको संयोजक सोनाम लामाको नेतृत्वमा गएको टोलीले धार्चे गौपलिकाको अध्यक्ष सन्तोष गुरुङ र वडा नं ४ अध्यक्ष राज गुरुङ तथा लाभग्राहीसँग छलफल गरी लाप्राक नमुना बस्तीको निर्माण कार्यलाई निरन्तरता दिने निर्णय गरेको थियो ।
उक्त टोलीमा संघको कार्यकारी निर्देशक राजेश राणा र पुर्व परियोजना व्यवस्थापन समिति सदस्य श्याम तामांग तथा धार्चे गाउँपालिका वडा नं ४ को बुद्धिजीवी तथा अत्याधिक लाभग्राहीहरुको उपस्थिति रहेको थियो । सोही क्रममा लाप्राक स्वास्थ्य चौकीलाई कोभिड १९ रोकथामको लागि आवश्यक केही स्वास्थ्य सुरक्षा सम्बन्धी सामाग्रीहरु हस्तान्तरण गरिएको एनआरएनएले जनाएको छ ।
बैठकमा यस्ता निर्णय भए