नेपालब्रिटेन संवाददाता
काठमाडौँ । नेपाल वायुसेवा निमगको वाइडबडी जहाजले आइतबार र सोमबार थप ९७५ वटा अक्सिजन सिलिण्डर चीनको राजधानी बेइजिङबाट काठमाडौं ल्याएको छ ।
योसँगै अब चीनबाट कुल १३७५ वटा सिलिण्डर नेपाल आएका छन् । यी उडानाबाट कुल १५७ थान अक्सिजन कन्सनट्रेटर समेत नेपाल आएको छ । नेपाल वायुसेवा निगमको जहाज आज र भोलि बेइजिङ जाँदैछन् । ती दुई उडानबाट समेत थप सिलिण्डर नेपाल ल्याइने भएकाे छ ।
नेपाल एयरलाइन्सले चीन सरकारले अनुदानमा दिएका सिलिण्डरहरु नेपाल ल्याइरहेको छ ।
