नेपालब्रिटेन संवाददाता
युक्रेनी राष्ट्रपति भोलोदिमिर जेलेन्स्कीका प्रमुख सल्लाहकार आन्द्रिय यरमाकले पदबाट राजीनामा दिएका छन् । यरमाकको राजीनामासँगै रुससँगको युद्धको नेतृत्व गरिरहेका जेलेनेस्की कमजोर भएको अन्तर्राष्ट्रिय सञ्चार माध्यमले जनाएका छन् ।
राजधानी कियभस्थित यरमाकको सरकारी निवासमा शुक्रबार भ्रष्टाचार नियन्त्रण गर्ने निकायले छापा मारेको थियो । त्यसलगत्तै यरमाकले राजीनामाको घोषणा गरे । यरमाकविरुद्ध भ्रष्टाचार कसुरमा कुनै अभियोग भने दर्ता भएको छैन । यरमाक रुस–युक्रेन युद्ध रोक्न अमेरिकासँगको वार्तामा प्रमुख वार्ताकार थिए ।
एजेन्सी
