१३ मंसिर २०८२, शनिबार
Follow Us

रामेछापमा चितुवाको आक्रमणमा महिलाको मृत्यु

नेपालब्रिटेन संवाददाता
१३ मंसिर २०८२, शनिबार ०७:२४

रामेछाप । रामेछापमा चितुवाको आक्रमणबाट वृद्धाको मृत्यु भएको छ । मन्थली नगरपालिका–९, पुरानागाउँस्थित बाङ्गेसल्लामा चितुवाको आक्रमणमा परी थानसिङ्गे साइँली भनिने करिब ६६ वर्षीया गंगामाया तामाङको ज्यान गएको हो ।

रामेछाप प्रहरी प्रमुख भोला भट्टका अनुसार, चितुवाको आक्रमणपछि तामाङको शव शनिबार बिहान क्षतविक्षत अवस्थामा भेटिएको थियो । घटनाबारे प्रहरीले विस्तृत अनुसन्धान अघि बढाएको छ ।

स्थानीयले मानव बस्तीमा वन्यजन्तुको आवतजावत बढेसँगै सुरक्षा जोखिम बढेको भन्दै नियन्त्रणका लागि सम्बन्धित निकायको ध्यानाकर्षण गराउँदै आएका थिए ।

धेरै पढिएको