नेपालब्रिटेन संवाददाता
काठमाडौं । नेपाली उद्यमीलाई प्रोत्साहन गर्ने उद्देश्यले काठमाडौंमा सीप मेला आयोजना गरिएको छ ।
हिमानी ट्रष्ट्रद्वारा काठमाडौंमा आयोजित मेलामा स्वदेशमा उत्पादित दुई दर्जनभन्दा बढी सामानका स्टल छन् । मेलामा कुचोदेखि नेपाली कपडा, छालाका झोला, सावुन, स्याम्पु, माला, श्रृगांरका सामानलगायत राखिएका छन् ।
रोजगारी तथा उच्चशिक्षाका नाममा धेरै व्यक्तिहरू विदेशिने र उतै पलायन हुने ‘ब्रेन ड्रेन’ को अवस्थाबाट ‘ब्रेन गेन’ गर्नका लागि पनि मेला महत्वपूर्ण रहेको कोषले जनाएको छ ।
मेलाको पूर्वराजा ज्ञानेन्द्र शाह, पूर्व यूराज्ञी हिमानि शाह, व्यवसायी, बैङ्करलगायतले अवलोकन गरेका थिए । मेलामा अवलोकनकर्ताको उल्लेख्य सहभागिता रहेको थियो ।
