नेपालब्रिटेन संवाददाता
काठमाडौं । राष्ट्रपति रामचन्द्र पौडेलले आगामी २१ फागुनमा हुने प्रतिनिधिसभा निर्वाचनका लागि नेपाली सेना परिचालन गर्न स्वीकृति दिएका छन् ।
निर्वाचनका क्रममा सुरक्षा व्यवस्था सुदृढ गर्न नेपाली सेना परिचालन गर्ने प्रस्तावलाई राष्ट्रपति पौडेलले स्वीकृति दिएका हुन् ।
राष्ट्रपति कार्यालयका प्रवक्ता प्रदीप कुमार कोइरालाका अनुसार मन्त्रिपरिषद्को बैठकबाट आएको सिफारिसका आधारमा राष्ट्रपति पौडेलले सेना परिचालनका लागि स्वीकृति दिएका हुन् ।
सरकारले निर्वाचनलाई शान्तिपूर्ण, निष्पक्ष र विश्वसनीय बनाउन आवश्यक सुरक्षा व्यवस्थाका लागि सेना परिचालन गर्ने तयारी गरेको हो ।
