नेपालब्रिटेन संवाददाता
लण्डन । गैरआवासीय नेपाली संघ राष्ट्रिय समन्वय परिषद् (एनआरएनए एनसीसी) अष्ट्रियाको ११औं राष्ट्रिय अधिवेशनले विनोद चौलागाईंलाई सर्वसम्मत रूपमा अध्यक्षमा चयन गरेको छ। शनिबार सम्पन्न भर्चुअल अधिवेशनमार्फत १३ सदस्यीय नयाँ कार्यसमिति पनि निर्विरोध रूपमा चयन गरिएको हो।
नयाँ कार्यसमिति घोषणा निर्वाचन समिति संयोजक डिआर नेपालले गर्नुभएको हो। कार्यक्रममा पूर्व आइसीसी सदस्य दिपेन्द्र हिमालय कार्की, एनआरएन अभियन्ता राजकुमार भट्टराई, नवनिर्वाचित आइसीसी सदस्य रामबहादुर विश्वकर्मा र अध्यक्ष चौलागाईंले शुभकामना तथा प्रतिबद्धतामूलक मन्तव्य व्यक्त गर्नुभएको थियो।
नवगठित कार्यसमितिमा रामबहादुर विश्वकर्मा आइसीसी सदस्यका रूपमा चयन हुनु भएको छ भने अध्यक्षमा विनोद चौलागाईं चयन हुनु भएको छ। उपाध्यक्षमा प्रेमबहादुर विश्वकर्मा, सन्दिप शर्मा र महिला उपाध्यक्षमा निर्जना पोखरेल चयन भएका छन्।
महासचिवमा गंगाधर भट्टराई, सचिवमा कृष्णबहादुर कामी, महिला सचिवमा मोनिसा पोखरेल, कोषाध्यक्षमा गणेश प्रसाई, महिला संयोजकमा पुष्पा पाल्वाइन र युवा संयोजकमा प्रकाश खड्का चयन भएका छन्।
सदस्यहरूमा बिबेक बजगाई, सोनीला सुनार र अमृता विश्वकर्मा रहेका छन्।
अन्तर्राष्ट्रिय समन्वय परिषद्का केन्द्रीय प्रतिनिधि तथा आइसीसी सदस्य राजकुमार थापाको उपस्थितिमा सम्पन्न अधिवेशनको सञ्चालन बाबा राजेश्वरी थापाले गर्नुभएको थियो।
