नेपालब्रिटेन संवाददाता
काठमाडौं । नेपाली कम्युनिष्ट पार्टीका संयोजक पुष्पकमल दाहाल प्रचण्डले रुकुम पूर्वलाई सडक सञ्जामार्फत चीनसँग जोडेने घोषणा गरेका छन् ।
पुथा उत्तरगंगाको मैकोटमा आइतबार आयोजित चुनावी सभालाई सम्बोधन गर्दै उनले चीनको सीमा क्षेत्रसम्म कालोपत्रे सडक निर्माण गरिने प्रतिबद्धता जनाए ।
निर्माणाधीन शहीद मार्गलाई चिनियाँ सीमासम्म जोड्ने आफ्नो सपना रहेको उनको भनाइ थियो । प्रचण्डले आफ्नै प्रस्तावमा दाङबाट सशस्त्र जनयुद्धकै समयमा जनश्रमदानबाट शहीद मार्ग निर्माण थालिएको स्मरण पनि गरे ।
आफूहरु सरकारमा गएपछि उक्त सडक निर्माणको जिम्मेवारी सरकारले नै लिएको बताए ।
