प्रज्ञा–प्रतिष्ठान उपकुलपतिमा गुरुङ नियुक्त

काठमाडौं : सरकारले आइतबार नेपाल प्रज्ञा–प्रतिष्ठानका उपकुलपतिमा डा. जगमान गुरुङलाई नियुक्त गरेको छ। गत असोजमा पूर्वकुलपति गंगाप्रसाद उप्रेती पुनः कुलपति र डा. जगत उपाध्याय सदस्यसचिव नियुक्त भएका थिए।

प्रा. दिनेशराज पन्त, प्रा.डा. योगेन्द्रप्रसाद यादव, डा. हेमनाथ पौडेल, प्रा.डा. उषा ठाकुर, माया ठकुरी, प्रा.डा. गोपिन्द्र पौडेल, लक्ष्मी माली र डा. देवी नेपाल प्राज्ञ–परिषद् सदस्य नियुक्त भएका छन्। पन्त र ठाकुर दोहोरिएका हुन्। २४ जनालाई प्राज्ञसभा सदस्य छनोट गरिएको छ।

परिषद्का पदाधिकारीलगायत प्राज्ञसभा गठन संस्कृतिमन्त्रीको अध्यक्षतामा दुई विज्ञ सम्मिलित समितिको सिफारिसमा प्रतिष्ठानका प्रमुख संरक्षक प्रधानमन्त्रीबाट हुने व्यवस्था छ।
अन्नपूर्ण पोष्ट