मुम्बइ । बलिउडका बादशाह शाहरुख खान वर्षौंदेखि अभिनय जगतमा राज गर्दै आएका छन्, अब उनकी छोरी सुहाना खान पनि अभिनयको दुनियाँमा पाइला राख्ने भएकी छन् । सुहाना चाँडै नै जोया अख्तरको निर्देशनमा बनेको नेटफ्लिक्स फिल्म ‘द आर्चिज’ मा देखिने छिन् ।

किंग खानकी छोरीले पनि अभिनयमा डेब्यु गरेको देखेर सबैजना उत्साहित छन् । अनन्या पाण्डेले आफ्नो साथीलाई लिएर निकै उत्साहित भएको बताइन् । तर सुहानाको डेब्यूलाई लिएर उनी असुरक्षित छिन् कि ईर्ष्या गर्छिन् भनेर सोध्दा अभिनेत्रीले के जवाफ दिइन् ? यो अनौठो छ ।

सुहाना खान र अनन्या पाण्डे बाल्यकालका साथी हुन्, यो कुरा फिल्म जगतको समाचारमा रुचि राख्ने सबैलाई थाहा छ । अनन्यालाई उनको अभिनयका कारण सामाजिक सञ्जालमा कति ट्रोल गरिएको छ ? सबैलाई थाहा छ । अब जब उनको मिल्ने साथी पनि यो फिल्मी संसारमा पाइला राख्दैछिन, के पाण्डेलाई ईर्ष्या होला ?

यो प्रश्नको जवाफमा अनन्याले भनिन्, ‘ सुहाना आफ्नो डेब्यूलाई लिएर कत्ति पनि नर्भस छैन । उनी धेरै आत्मविश्वासी छिन्, मलाई लाग्छ उनी जे गर्छिन् राम्रो गर्छिन्। त्यसैले म उनलाई देख्न निकै उत्साहित छु। आर्चीको टिजर हेरेपछि सबैले मन पराइरहेका छन् ।’