नेपालब्रिटेन डट कम्
लण्डन । गैरआवासीय नेपाली संघका अध्यक्ष डा. बद्री केसीको फेसबुक ह्याक भएको छ ।
डा. केसीका अनुसार ह्याकरहरुले आइतवार उनको फेसबुक टाइमलाइन नियन्त्रणमा लिएका थिए । ह्याकरहरुले बिटक्वाइन लगायतका अनावश्यक लिकंहरु शेयर गरेका थिए ।
डा. केसीले फेसबुक अहिले ब्लक गरे पनि पूर्ण रुपमा नियन्त्रणमा नआएको जानकारी दिदै यसअघि पोष्ट भएका सामग्रीप्रति सचेत रहन आग्रह गरे । उनीहरुको फेसबुकको पासवर्ड र फोन नम्बर समेत परितर्वन गरिदिएका छन् ।
फेसबुक ह्याक भो ? धन्दा नमान्नुस्
यदि तपाईको फेसबुक एकाउन्ट कसैले ह्याक गर्यो भने के गर्नुहुन्छ ? यसलाई फिर्ता लिन धेरै कठिन छैन । आउनुस्, उपाय थाहा पाउनुस् ।
सबैभन्दा पहिले
यसमा आफ्नो नाम, इमेल र तपाईंको एकाउन्टसित सम्वन्धित फोन नम्बरमध्ये कुनै एकको बारेमा जानकारी दिनुहोस् । त्यस पश्चात तपाईंले आफ्नो एकाउन्ट सर्च गर्नुपर्नेछ । त्यसपछि पासवर्ड फिर्ता लिने काम सुरु गर्नुपर्छ । त्यतिबेला खुल्ने पेजमा आफ्नो पुरानो पासवर्ड हालिदिनुस् ।
जब गलत पासवर्डको म्यासेज आउँछ, त्यसपछि रिसेट पासवर्डको विकल्प छनोट गर्नुस् । ह्याकरले पक्कै तपाईंको इमेल पनि फेरिदियो होला, त्यसैले त्यस इमेलमा आफ्नोबारे जानकारी माग्न सक्नुहुन्न ।
त्यसपछि तपाईंको अगाडिको स्क्रिनमा लेखिएको हुन्छ, No longer have access to these ? त्यसमा क्लीक गर्नुस् । अनि आफ्नो इमेल दिनुहोस्,। जसमा फेसबेकबाट तपाईंलाई लिंक पठाइन्छ र तपाई आफ्नो पासवर्ड रिसेट गर्न सक्नुहुन्छ ।
तपाई स्क्रिनमा जे-जे गर्न भनिएको हुन्छ, त्यहि गर्नुस् । २४ घन्टाभित्र तपाईंको पासवर्ड फिर्ता हुनेछ । नयाँ पासवर्ड राख्दा त्यसको शब्द, नम्बर र स्पेसन क्यारेक्टरमा ध्यान दिनुहोस्, ताक कसैले अनुमान गर्न नसकुन् ।
