लण्डन । गैरआवासीय नेपाली संघ, अन्तराष्ट्रिय समन्वय परिषद (आइसीसी) को बैठक आगामी आइतवार बस्ने भएको छ ।

गैरआवासीय नेपाली संघका महासचिव गौरीराज जोशीका अनुसार अक्टोवर अन्तिम साता हुने संघको साधारणसभा लगायतका विषयमा छलफल गर्न सेप्टेम्वर ८ तारिख नेपाली समय दिउँसो ४ भरर्चुअल बैठक बस्न लागेको हो ।

बैठकमा एनआरएनको लगानीमा शुरु हुन लागेको १० अर्व परियोजना, अध्यक्ष डा. बद्री केसीको बेलायत भ्रमण, सदस्यता वितरण लगायतका विषयमा छलफल हुने भएको छ। बैठकमा संघको राष्ट्रिय समितिका पदाधिकारी, सल्लाहकारहरु तथा मनार्थ सदस्यहरुलाई समेत आमन्त्रण गरिएको छ ।

यसअघि संघको ९८ औं वैठकले आगामी अक्टोवर ११ तारिख एनआरएनए डे मनाउन तथा साधारणसभाको तयारीको लागि संघका उपाध्यक्ष डा. हेम राज शर्माको संयोजकत्वमा उच्चस्तरिय तयारी समिति गठन गरेको थियो ।