नेपालब्रिटेन डट कम्
लण्डन । पछिल्लो पुस्तामा निकै चर्चामा रहेकी डान्सर रुविना अधिकारीले वेलायतमा आफ्नो प्रस्तुती दिने भएकी छन् ।
अष्ट्रेलियाको ४ हप्ताको लामो टुर सकेर वेलायत आउन लागेकी हुन् । उनले अष्ट्रेलियास्थित नेपाली समुदायको मन जीतेर चर्चा कमाएकी छन् ।
दुई दर्जन भन्दा बढी म्यूजिक भिडियोमा अभिनय गरेकी अधिकारी पछिल्लो पुस्ताले मन पराएकी डान्सर हुन् । उनले पल शाह लगायत नेपालका चर्चित कलाकारहरुसंग आफ्नो प्रस्तुती दिइसकेकी छन् ।
आगामी साता वेलायत उत्रिने तयारीमा रहेकी अधिकारीले वेलायतका बिभिन्न शहरमा आफ्नो प्रस्तुती दिने भएकी हुन् ।
