नेपालब्रिटेन संवाददाता
काठमाडौं । धादिङको नीलकण्ठ नगरपालिका–९ नियालपानीमा ८८ वर्षीय जगनाथ लम्सालमाथि खुकुरी प्रहार भएको छ । प्रहरीका अनुसार उनलाई सोही स्थानका करिब ६२ वर्षीय बाबुकाजी लम्सालले आक्रमण गरेका हुन् ।
अनुहारमा चोट लागेका जगनाथलाई सुरुमा धादिङबेंसीस्थित अस्पताल लगिएको थियो । अवस्था गम्भीर भएपछि नेपाली सेनाको हेलिकप्टरमार्फत काठमाडौंको शिक्षण अस्पताल सारिएको छ ।
प्रहरीले बाबुकाजीलाई नियन्त्रणमा लिई घटनाबारे अनुसन्धान सुरु गरेको जनाएको छ । आक्रमणको कारण भने अझै खुलेको छैन ।
