रमेश खनाल, कोभेन्ट्री बेलायत
बेलायतमा बसोबास गर्दै आएका सापकोटा वंशजहरूलाई एक ठाउँमा ल्याउने उद्देश्यसहित आगामी ४ अगस्ट २०२५, सोमबारका दिन कोभेन्ट्रीको मिडल्याण्ड क्षेत्रमा सापकोटा परिवारको विशेष भेटघाट कार्यक्रम आयोजना हुने भएको छ।

सापकोटा कल्याण केन्द्र, बेलायतको आयोजनामा हुन लागेको यस कार्यक्रमले बेलायतभरि फैलिएको सापकोटा समुदायलाई एकसाथ जमघट गराउने प्रयासस्वरूप आयोजना गरिएको हो। यो कार्यक्रम पहिलो पटकको ऐतिहासिक जमघट हुने आयोजकको भनाइ छ।

कार्यक्रमको मूल उद्देश्य भनेको सामाजिक सद्भाव, आपसी चिनजान, पारिवारिक सम्बन्ध विस्तार र एकताको भावना सुदृढ गर्नु रहेको बताइएको छ। आयोजकहरूले सहभागीहरूलाई आफ्ना परिवारसहित उपस्थित भइ दिनुहुन विशेष अनुरोध गरेका छन्।

संपर्क व्यवस्थापन क्षेत्रगत रूपमा मिलाइएको

कार्यक्रम व्यवस्थापनलाई सहज बनाउने उद्देश्यले विभिन्न क्षेत्रबाट सहभागीहरूको समन्वयका लागि जिम्मेवारी तोकिएको छ।
• Scotland क्षेत्रबाट सहभागीहरूको लागि चेतन सापकोटा र जेपी सापकोटासँग सम्पर्क गर्न सकिनेछ।
• लण्डन क्षेत्रका सहभागीहरूका लागि नबिन सापकोटा, सलीकराम सापकोटा, खेम शर्मा, बी.डी. सापकोटा र नयन सापकोटालाई सम्पर्क गर्न अनुरोध गरिएको छ।

विस्तृत जानकारीका लागि आयोजकहरूसँग सम्पर्क

कार्यक्रमसम्बन्धी थप जानकारी तथा सुझावका लागि: बालकृष्ण सापकोटा, शिव सापकोटा, मिलन सापकोटा र भानु सापकोटासँग सम्पर्क गर्न सकिने व्यवस्था गरिएको छ।

कार्यक्रम आयोजकहरूले सबै सापकोटा परिवारका सदस्यहरूलाई यो जानकारी समयमै फैलाउन र सहभागिताका लागि प्रेरित गर्न अनुरोध गरेका छन्।

सम्पर्क तथा थप जानकारीका लागि:
गोविन्द सापकोटा,
सापकोटा कल्याण केन्द्र, Coventry, Midlands, United Kingdom