नेपालब्रिटेन संवाददाता
दाङ । रोल्पामा पहिरोले घर पुरिदा एक जनाको मृत्यु भएको छ ।
लगातारको वर्षापछि आइतबार बिहान आएको पहिरोले घर पुरिदा थबाङ गाउँपालिका ४ उवा, थापाखर्कका ७२ वर्षीय गोठे घर्ती मगरको मृत्यु भएको जिल्ला प्रहरी कार्यालय रोल्पाका प्रवक्ता रोहित कुमार शाहीले बताउनुभयो ।
भान्सा घरमा बसी रहेका घर्ती मगरको घर माथिबाट आएको पहिरोले घर पुरिदा मृत्यु भएको हो । घर्ती मगरको परिवार अर्को गोठमा रहेकाले सुरक्षित रहेको प्रहरीले जनाएको छ। शवलाई पोस्टमार्टमका लागि जिल्ला अस्पताल रेउघामा ल्याइएको छ ।
