नेपालब्रिटेन संवाददाता
काठमाडौं । आइसिसी विश्वकप क्रिकेट लिग–२ अन्तर्गतको खेलमा नेपालले ओमानलाई ८१ रनले पराजित गरेको छ ।
आज भएको खेलमा नेपालले उत्कृष्ट प्रदर्शन गर्दै प्रभावशाली जित दर्ता गरेको हो । नेपालका अलराउन्डर गुल्शन झाले शानदार बलिङ गर्दै ५ विकेट लिएपछि ओमान ३९.५ ओभरमै अलआउट भयो ।
टस जितेर पहिले ब्याटिङ गरेको नेपालले ओमानलाई २ सय ५७ रनको लक्ष्य दिएको थियो । जवाफी ब्याटिङमा उत्रिएको ओमानले १ सय ७५ रन मात्र बनाउन सक्यो ।
नेपालको जितमा ब्याटिङ र बलिङ दुवै पक्षको सन्तुलित प्रदर्शन निर्णायक बन्यो ।
