काठमाडौँ । अन्तरिम सरकारका ऊर्जामन्त्री कुलमान घिसिङले दल गठन गर्ने अन्तिम तयारी गरेका छन् । कुलमानको नेतृत्वमा ‘नेपाल जनसेवा पार्टी’ गठनको तयारी अन्तिम चरणमा पुगेको स्रोतले मकालुखबरलाई जानकारी दियो ।

घिसिङले यसअघि ‘उज्यालो नेपाल पार्टी’ नाममा दल दर्ता गर्ने तयारी गरेका थिए । तर, उनको प्रस्तावमा केही नेताहरू सहमति भएनन् । यो नामले व्यक्तिगत छाप बढी पर्ने भएपछि ‘नेपाल जनसेवा पार्टी’ नाममा सहमति जुटेको स्रोतले बतायो ।

घिसिङ निकट स्रोतका अनुसार आज र भोलिसम्म छलफल सकाएर पार्टी दर्ताका लागि निर्वाचन आयोगमा निवेदन दिने तयारी भइरहेको छ । कुलमानको पार्टीमा सुमना श्रेष्ठ, बालेन शाहसहितका नेताहरूको समर्थन रहेको बुझिएको छ ।