काठमाडौँ। नेपाली राष्ट्रिय महिला फुटबल टिमकी कप्तान सावित्रा भण्डारीले हाल घुँडाको गम्भीर चोटको उपचारका लागि आर्थिक सहयोगको अपिल गरेकी छन्।

उनले सामाजिक सञ्जालमार्फत करिब ८० हजार अमेरिकी डलर खर्च लाग्ने शल्यक्रियाको लागि सहयोग आवश्यक भएको जानकारी दिएकी छन्।

साम्बाले घुँडाको एसीएलमा भएको पहिलाको शल्यक्रियाको ग्राफ्ट र एमसिएल दुवै भागमा जटिल चोट लागेको कारण पुन: उच्च स्तरको उपचार आवश्यक रहेको बताइन्। उनी आफ्नो उपचार कतारस्थित अस्पेटार अस्पतालमा गराउने योजना बनाएकी छन्, जहाँ अघिल्लो पटक उनले उपचार गराएकी थिइन्।

एन्फा (एन्फाअस्ट्रेलियाली ए-लिगको वेलिङ्टन फिनिक्स)बाट खेल्दै आएकी साम्बा डेढ महिनाअघि खेलका क्रममा घुँडाको गम्भीर चोटमा परेकी थिइन्। ब्रिसबेन रोअरविरुद्धको खेलको दोस्रो हाफमा गोलरक्षकसँग ठोक्किँदा उनको दायाँ घुँडाको एसीएल टियर भएको थियो।