नेपालब्रिटेन संवाददाता
लण्डन । गैरआवासीय नेपाली संघ (एनआरएनए)को आगामी अक्टोबरमा हुने १२औं महाधिवेशनका लागि मूल आयोजक समिति गठन गरिएको छ ।
संघको गत साता सम्पन्न पदाधिकारी बैठकले अध्यक्ष डा. बद्री केसीको संयोजकत्वमा मूल आयोजक समिति गठन गर्ने निर्णय गरेको हो । उक्त समितिको सल्लाहकारमा संस्थापक अध्यक्ष डा. उपेन्द्र महतो, निवर्तमान अध्यक्ष कुमार पन्त, पूर्व अध्यक्षहरु जीवा लामिछाने र भवन भट्ट समावेश गरिएको छ ।
संघको १२औं महाधिवेशन आगामी अक्टोबर ११ देखि १३ तारिखसम्म काठमाडौंमा हुने कार्यक्रम तय भएको छ ।
