नयाँदिल्ली । भारत र चीनले सीमा विवाद समाधान गर्न कुटनीतिक पहल शुरु गरेका छन् । सीमा क्षेत्र लद्दाखमा तनाव भइरहेका बेला भारत र चीनका रक्षामन्त्रीबीच सांघाई सहयोग संगठनको बैठकमा क्रममा रुसमा भेटवार्ता भएको हो ।

भारतीय रक्षामन्त्री राजनाथ सिंह र चीनका रक्षामन्त्री वी हेङफीबीच सीमा विवादमा समाधान खोज्ने विषयमा २ घण्टा २० मिनेट छलफल भएको हो । छलफलमा भारतीय रक्षामन्त्री राजनाथ सिंहले अन्तर्राष्ट्रिय कानुनको पालना गरेर एक अर्कामा भरोसा राखेमा तनाव कम हुने बताएका छन् ।

चीनका रक्षामन्त्री वी हेङफीले पनि वार्तामार्फत सबै विवाद समाधान गर्न सकिने बताएका छन् । जुनमा लद्दाख मा भएको झडपमा २० जना भारतीय सैनिकको मृत्यु भएपछि दुई देशबीच तनाव बढ्दै गएको छ ।