नेपालब्रिटेन डट कम्
लन्डन । गैरआवासीय नेपाली संघ (एनआरएनए) यूके भूतपूर्व गोर्खा समस्या समाधानलगायत ६ बुँदे माग समेट्दै प्रधानमन्त्री केपी शर्मा ओलीलाई ज्ञापनपत्र बुझाएको छ ।
एनआरएनए यूकेका अध्यक्ष हित काजी गुरुङले शनिबार साँझ प्रधानमन्त्री निवास बालुवाटारमा पुगेर ओलीलाई ज्ञापनपत्र बुझाएका हुन् । अध्यक्ष हित काजीले गैरआवासीय नेपालीहरूको हक, हित र अधिकार सुनिश्चित गर्नको लागि आफूले संघको तर्फबाट प्रधानमन्त्रीसमक्ष ज्ञापन बुझाएको बताए ।
उनका अनुसार ज्ञापनपत्रमा भूतपूर्व गोर्खा समस्या समाधान, गैरआवासीय नेपाली नागरिकता पूर्ण रूपमा कार्यान्वयन, एनआरएनलाई भिसा प्रावधान खारेज, विदेश अध्ययन गर्न जाने विद्यार्थीहरूको व्यवस्थापन, दोहोरो कर हटाउन सम्झौता र सडक सुरक्षाका विषय समावेश छन् ।
शनिबार नै तमु धीं यूकेका अध्यक्ष जुमकाजी गुरुङ नेतृत्वको टोलीले समेत प्रधानमन्त्रीलाई भेटेको छ । भेटमा तमु धीं यूकेले बेलायतमा आगामी २४ अगस्टमा आयोजना गर्ने नेपाली मेलामा उपस्थित भइदिन निम्ता समेत दिएको अध्यक्ष गुरुङले जनाएका छन् ।
ज्ञापनपत्र
