ब्रेकिङ न्युज

लण्डन दूतावासका कार्यरत कर्णेलको घरमा चोरी

लण्डन । नेपाली दूतावास लण्डनमा कार्यरत सैनिक सहचारी (मिलिट्री अट्याची) प्रदीपजंग केसीको घरमा चोरी भएको छ ।
क्वीन्सबरीस्थित घरमा कोही नभएको बेला चोरले कम्तीमा दश तोला सुन र नगद चोरेको बताइएको छ ।
श्रोतका अनुसार केसी सपरिपार सहित माल्टा होलिडेमा रहेको वेला घरमा चोरी भएको हो । दूतावासले भाडा तिरेर सैनिक सहचारी र परिवारलाई घर उपलव्ध गराएको छ ।

नेपालीको जनसंख्या उल्लेख्य भएको ठाउंमा नेपालीका गरगहनामाथि लुटेराले टार्गेट गरेका घट्ना बढ्दै गएका छन । केही समय अघि हन्स्लोमा नेपालीको करिब २५ लाख रुपैयांको सुन चोरी भएको थियो ।
यसै बीच लन्डनस्थित नेपाली दूतावासमा नयां सैनिक सहचारी (मिलिट्री अट्याची) आउने भएका छन ।

हालका सैनिक सहचारी कर्णेल प्रदीपजंग केसीको तीन वर्ष कार्यकाल सकिनै लागेकाले केसीको ठाउंमा कर्णेल कुमार थापा आउन लागेका हुन् ।

दूतावासमा अक्टोबर अन्तिममा केसीको विदाइको लागि आमन्त र दूतावास निकतवर्टीहरुलाई बोलाएर एक कार्यक्रम गर्ने तयारी गरेको छ ।

सन १९३४ मा स्थापित लन्डन मिसनमा केसी २३ औं सैनिक सहचारी हुन । बेलायत नेपालबीच सैनिक सम्वन्ध विस्तार र सहयोग आदानप्रदानमा सैनिक सहचारीको भूमिका प्रमुख रहे पनि पछिल्लो समयमा लण्डनमा आएका सहचारीहरु जागिरे मनस्थितीका रहेकाले उल्लेख्य काम गर्न नसकेको भनेर आलोचित छन्।

About the author
नेपालब्रिटेन डट कम्

नेपालब्रिटेन डट कम्